HK íslandsmeistari 2007 samkvæmt Íslenskri knattspyrnu

Verð nú að segja að þetta kemur mér nokkuð á óvart, ég hélt að þessi bókaröð ætti að vera besta heimild um sögu íslenskrar knattspyrnu. Hvernig getur höfundur ákveðið með aðstoð stjörnublaðamanns frá Fréttablaðinu hver er í verðlaunasæti og hver ekki. Samkvæmt Víði höfundi bókarinnar þá eru hann og blaðamaðurinn í betri aðstöðu en KSÍ til að dæma um hvað gerðist og hvað ekki .

 "Við skoðum hvert einasta mark, Óskar Ófeigur Jónsson (Blaðamaður á Fréttablaðinu) sér alveg um það og hann er búinn að grandskoða þetta mark eins og öll önnur og niðurstaðan er sú að það er ekki annað hægt en að skrá þetta sem sjálfsmark" 

Af hverju var KSÍ þá að verðlauna þennan ágæta pilt ? 

En þetta er ekki í fyrsta skiptið ,,Þetta er alls ekki í fyrsta sinn og þetta hefur gerst af of til í gegnum árin að við höfum úrskurðað sjálfsmark eða ekki öfugt við KSÍ því við viljum hafa það sem er réttast. Það hefur aldrei verið svona atriði áður að þetta snúist um bronsskó." 

KR vann mitt lið Víking 1-0 eftir að við skoruðum fullkomlega löglegt mark sem línuvörðurinn dæmdi af, frábært ef Víðir breytti þessum úrslitum líka og efsta deildin er Víkings að ári. 

Það er líka gott að hann tekur enga afstöðu ,,Við viljum ekki vera að taka afstöðu til þess, það er ekki tilgangurinn með þessu en af myndbandi er ekki annað hægt að sjá en að þetta sé sjálfsmark,"  Ef þetta er ekki afstaða heiti ég Víðir. 

Víðir er samt trúgjarn maður þó hann hafi sérlegan aðstoðarmann sem sér hlutina réttu ljósi ,,Ég og Magnús erum búnir að ræða þetta og skildum sáttir með sjónarmið okkar. Hann telur sig hafa snert boltann og ég trúi honum alveg fyrir því. Ég færi síðastur manna að rengja hann en myndbandið ræður og þetta eru eitt af þessum endalausu atriðum í fótboltanum,"

Ég spyr ef Víðir trúir Magnúsi, af hverju kemur það þá ekki fram í bókinni ? 

Kallast þetta ekki Ragnar Reykás heilkennið ? 

Þetta gæti verið nokkuð spennandi bók, endirinn gæti komið á óvart.

Kannski urðu HK íslandsmeistarar !

(tilvitnanir eru af síðunni www.fotbolti.net)

Capello væntanlegur til Lundúna í dag