Að vita betur

Hún Júlía (4) mín er komin á allrosalegan gelgjualdur aðeins og aðeins of fljótt að mínu áliti. Hún þykist vita mest allt betur en hinir eldri í kringum hana hvað þá yngri.

 

Ekki fyrir löngu síðan þá var ég að hátta hana og tannbursta, sagði henni svo að fara á klósettið og gera þarfir sínar svo rúmið yrði jafn þurrt alla nóttina.

Það stóð ekki á svarinu, auðvitað þurfti hún ekki að pissa og ætlaði ekkert að reyna á það.

Ég var ekki sáttur við þessi málalok og skipaði henni á klósettið og varð þykjustu vondur.

Hún gaf sig að lokum og settist á klósettið, eftir nokkrar sekúndur heyrist í henni "pabbi, ekki segja sko".

Ég svara bara "nei ég skal ekki gera það" og varla sekúndubroti eftir að síðasta hljóðið kom úr munni mínum þá kom þessi þvílíka buna.

 

Að hafa rangt fyrir sér er alltaf jafnleiðinlegt hvað þá þegar manni er velt upp úr því

 

Smá viðbót eftirá.

 

Mamma hennar "ertu búinn að kúka"

Júlía "nei, ég er aðeins að anda með rassinum"