Starfsdagar í leikskólum

Hvað er málið með þessa endalausu "starfsdaga" í leikskólum. Það er ekki nóg með að við foreldrarnir þurftum að taka börnin okkar einn dag í viku heim vegna manneklu heldur bættust þessir dagar við.

Í vinnunni minni þá vinnum við yfirvinnu (starfsdagarnir eru á laugardögum) en lokum ekki í heilan eða hálfan dag til að vinna hugmyndavinnu.

Sem betur fer hef ég fengið að taka dóttur mína í vinnuna þegar þurft hefur og hin frábæra móðir mín hefur samt tekið þetta að mestu á sig til að hjálpa mér.

Hvað með foreldarana sem hafa fáa eða enga að til að hjálpa sér og eru í þannig vinnu að ekki er létt að fá frí eða hafa börnin með sér ?

Ég ber mikla virðingu fyrir því starfi sem er unnið á leikskólum og dóttir mín er mjög ánægð með allt og alla í sínum skóla.

En það hlýtur að vera hægt að finna lausn sem hentar betur fyrir vinnandi foreldra.

Smá hugmynd:Yfirmenn gætu búið til ramma um hvað ætti að gera, deildarstjórar unnið úr þeim og útbýtt verkefnum til sinna starfsmanna. Þar með er skipulagi komið á framfæri og allir vita hvers er vænst af þeim. Unnið væri svo í litlum hópum og hugmyndir samþykktar eða hafnað af yfirmönnum. Þetta væri hægt að gera með venjubundni vinnu og allir yrðu sáttir.

Líka fyrir foreldra