Er þetta frétt ?

Ég er með hugmynd fyrir fréttastjóranna, látið okkur vita þegar VG eru sammála afganginum af þinginu eða þjóðinni. VG eru þeim hæfileikum gefnir að vita alltaf betur en hinir, því miður eru bara svo lítill minnihluti sammála þeim.

Einhvern tímann sagði faðir minn "ef fíflunum fjölgar mikið í kringum mann, þá er komin tími til að líta í eigin barm"

Niður með forræðishyggjuna

VG mótmælir harðlega frumvarpi um þingsköp

Júlíu gullkorn

"Ekki hafa svona læti steeeeeelpur, annars held ég aldrei upp á partý aftur" Júlía (4) með tvær jafnaldra vinkonur sínar í náttfatapartýi. 

"Þeir sem deyja fara upp í skýin til Guðs. Pabbi sagði að þeir færu upp í stjörnurnar , en(pff) þær eru alltof LITLAR!!!"

Mamma Júlíu var að bera á sig brúnkukrem og litla dúllan langar líka að fá krem eins og mamman."Nei, þetta er svona konukrem, bara fyrir fullorðnar konur, til að gera þær brúnar." segir mamman,þá kemur skeifa á mína . " Mamma, brúnar konur geta ekki átt HÚÐLITUÐ börn. Mamma mín getur ekki verið brún þá verð ég að vera brún."

Landsbyggðin og siðmenningin

Gæti það verið að þeir sem eru á móti sölu áfengis í matvörubúðum séu utan af landi. Ég skil alla vega ekki hvernig það er hægt að vera á móti þessu. Í Hveragerði er áfengisverslun á sama stað og bensínstöðin, keyra allir fullir þar ? Á Hvolsvelli er vínbúðin líka á bensínstöð, er það vandamál þar ? Fyrir nokkrum árum var ríkið í Grindavík í barnafatabúð, voru allar mömmurnar áfengissjúklingar ?

Forræðishyggjan er vandamálið.

Þjóðin klofin í afstöðu til sölu léttvíns og bjórs í matvöruverslunum

Skid Row

Þvílík snilld sem þessir tónleikar voru í gær, við félagarnir bjuggumst ekki við neinu en vorum allir sveittir þegar lætin voru búin. Þetta sýnir enn einu sinni að þótt sé skipt um mann þá kemur annar í staðinn, enginn er ómissandi. Fyrir ykkur öll sem ekki voru á tónleikunum læt ég í spilarann tónleikarútgáfu af I remember you.

Sex hundruð Rokklandsþættir

Bara eitt fótspor ?

Ég verð nú að viðurkenna það að ég finn lykt af markaðssetningu á sjónvarpsþætti hér. Ef fótspor eru fundin þýðir það að hægt sé að finna hvaðan þau koma eða hvert eigandi þeirra fór. En ef fótsporin leiddu ekkert þýðir það kannski að snjómaðurinn ógurlegi hafi gífarlegann stökkkraft

Fótspor snjómannsins ógurlega?

Bernskubrek

Það er ljótt að gera grín af þeim sem geta ekki svarað fyrir sig eins og ég hef verið að gera með börnin mín. Þess vegna verð ég að deila með ykkur minni erfiðu bernsku. Þessi sorgarsaga mín byrjaði mjög snemma og hef ég átt það til slasa mig öðru hvoru.

Þegar ég var fimm ára var ég að vega salt við frænda minn sem var/er aðeins eldri, stærri og þyngri en ég. Honum fannst gaman að fara hratt upp og niður sem endaði með því að hann skaut mér upp í loftið og ég lenti vægast illa og fótbrotnaði. Það var farið með mig á Borgarspítalann og ég settur í gifs.

En þetta var ekki búið, þegar verið var að halda á mér á milli herbergja nokkrum dögum seinna þá náði ég að setja puttana á stað þar sem þeir áttu ekki að vera og klemmdist illa. Það var brunað á Borgarspítalann aftur og settar á mig umbúðir ásamt því að vera settur í fatla (Getið þið ímyndað ykkur 5 ára strák eins og hann hafi verið að berjast í Víetnam.

Haldiði að þetta hafi verið búið ? Neiiiiiiiiii þar sem ég lá upp í sófa þar sem ég gat ekki labbað og bara notað aðra höndina vorkenndu mér allir og var mér gefið mitt uppáhalds nammi harðfiskur. Þar sem ég japla á honum byrja að heyrast í mér óhljóð þar sem stórt bein festist í hálsinum á mér . Það var brunað með mig á Borgarspítalann einu sinni enn og getið þið ímyndað ykkur svipinn á starfsfólkinu þegar mamma og pabbi komu með mig í fatla á annari hendi og í gifsi á löppinni.

Nú skiljið þið sem þekkið mig af hverju ég er svona skrýtin því mamma og pabbi voru tekin af löggunni eftir þetta og kærð fyrir harðræði gagnvart mér og ég var settur í fóstur. hahahaahahaha

Snemma beygist krókurinn

Ég var í Danmörku að keyra um Jótland á leiðinni í sumargarð með eldri gullinu mínu, eins og alvöru túristi var ég með kort hliðina á mér til að geta fundið þennan stað.

Hún Marín mín sat aftur í og var orðinn frekar spennt og af fyrri reynslu hennar þá vissi hún að pabbi var soldið fyrir að villast í þessu baunalandi. Þegar við áttum um 5 mínútur eftir heyrist í snillingnum (6 ára á þeim tíma) aftur í “ Pabbi ég held að við séum villt, réttu mér kortið J” Nú fyrst hún býr í þessu landi þá rétti ég henni kortið og hún kíkti vel á það (en snéri því öfugt og hafði ekki hugmynd um hvar við vorum á kortinu né hvar garðurinn væri) og sagði svo “Þetta er flott pabbi þú ert á réttri leið”.

Lífið stoppar (þegar ég er ekki á staðnum)

Blessuð börnin eru svo sjálfhverf. Marín eldri dóttir mín býr í Danmörku og eru kveðjufundirnir á Keflavíkurflugvelli alltaf jafn erfiðir fyrir systurnar og mig. Júlía (4) sú yngri skilur ekki fullkomlega hvar þessi Danmörk er þar sem systir hennar býr líka. Ég reyni mitt besta til að skýra út fyrir henni hvernig flugvélin flýgur yfir sjóinn og fer með stóru systur til mömmu sinnar.Einn daginn vorum við í göngutúr um norðurmýrina þegar flugvél flýgur yfir okkur eftir að hafa tekið á loft frá Reykjavíkurflugvelli. Þá heyrist í minni “pabbi þarna er Marín að fara til Danmerkur”. Málið var að það voru 2 mánuðir síðan Marín fór heim til sín.  

E.S. Pabbi sjáðu þau eru í lautaferð (viðtal í kastljósi við útigangsfólk sem býr í laugadalnum).

 

Kæra Kolbrún jafnréttisráðherra

Góð hugmynd sem kom fram á Bylgjunni áðan sem þú þyrftir að íhuga svo þú hafir eitthvað að gera á Alþingi okkar Íslendinga

Þar sem þú vilt að börnin fari í hlutlausan lit þegar þau fæðast svo þau ruglist ekki í ríminu fyrstu daga ævinnar tel ég að það verði eitthvað að gera í sambandi skírnarkjólana.

Strákar líða fyrir það alla ævina að hafa verið í kjól þegar staðfest var nafn þeirra fyrir framan Guði.

 

Væri ekki gott að koma með frumvarp um að ráða ríkisfatahönnuð sem gerði kynlaus föt til að gæta alls jafnréttis ?

 

 

Jesús og fiskurinn

Marín Ósk eldri dóttir mín var að byrja að læra kristinfræði og hefur gaman af. Einn daginn kemur hún heim til sín og segir mömmu sinni og stjúpföður frá því að þau hafi verið að horfa á mynd um Jesú. Henni fannst myndin nokkuð löng og kvartaði undan því að ekki hefði verið hægt að klára hana þennan skóladag. Morten (stjúpinn) segir þá við hana að þetta sé mjög góð saga en leiðinlegt að hún endi með því að Jesú deyji. Þá heyrist í lærdómshestinum "MORTEN, það má ekki segja frá endinum"

 

Vona að hún hafi ekki misst áhugann á kristindómnum því nokkrum dögum síðar var hún búinn að læra þróunarkenninguna. En hennar túlkun var sú að Jesú var að synda í sjónum og breyttist í fisk sem skreið á land og varð að apa !!! (er það nema von að þau ruglist á öllum þessum kenningum)

 

Ætli boðskapur jólanna muni komast til skila þetta skiptið J

 E.s. fyrst að það snjóar svona mikið úti "pabbi það er grenjandi snjór úti"Júlía Heiður.